As I was walkin’ a’ alane
I saw twa corbies* makin’ a mane**
And the t’ane untae the t’ither did say, O
“Whaur sall we gang and dine the day, O
Whaur sall we gang and dine the day?”
“It’s in ahint*** yon auld fell dyke
Aye, what there lies but a new-slain knight
And naebody kens he lies there, O
But his hawk and his hound and his lady fair, O
Hawk and his hound and his lady fair
“His hawk is tae the huntin’ gane
His hound tae fetch the wild fowl hame
His lady’s ta’en anither mate
We may mak’ our dinner sweet, O
We may mak’ our dinner sweet
“Now if ye’ll sit on his white horse bane
And I’ll peck out his bonny blue e’en
And we’ll hae a lock o’ his gaulden hair
We’ll thick our nest when it grows bare, O
We’ll thick our nest when it grows bare
“There’s mony an ane for him mak’s maurn
And nane sall ken whaur he is gane
O’er his white banes when they are bare, O
The wind sall blaw forevermair, O
The wind sall blaw forevermair”
